"Yung" dati

Naalala ko bigla yung isang phrase na lagi kong sinasabi pag may nakakalimutan ako na gusto kong maalala. Lagi kong sinasabing "Yung dati".

"Naaalala mo ba yung pinag-uusapan natin - yung tungkol sa ano, oo yun ngang ano, "yung dati".

"Nakita mo ba yung kaklase natin dati? Oo nga, kita mo naman, ngayon parang ang tindi ng pinagdaanan nyang transformation - pati bf nya hindi kagaya "yung dati".

*buntung-hininga*

Isipin mo nga naman, sa kagaya kong madaming iniisip (na hindi naman dapat iniisip) ,

napakadaming bagay na basta-basta na lang dumadaan na hindi ko namamalayan. Kadalasan, nalalaman ko na lang pag nagpaalam na, o kaya naman eh pag may naghahanap.

Sa mga panahon na nanahimik tong pahina ko, nabuhay ako sa kasalukuyan. Masaya, malungkot, nakakatawa, nakakaiyak ang mga pangyayari. May pikunan, may mga tawanan at iyakan, may kantyawan, alaskahan, patalinuhan, senti-han - at madami pang iba. Ang sayang mabuhay sa kasalukuyan, maging saksi sa mga bagay na nagaganap. Maging tulay ng alaala ng ibang tao.

Pero ngayon....gusto ko na lang balikan...."YUNG DATI"

How to deal with stress

Matagal din akong hindi nakalibot sa mga bahay, kuta, pahina, page, at kung anik anik pang tawag nyo sa mga blog nyo. Bisi kase ako. Hindi ko na ikukwento kung bakit dahil mawawalan lang kayo ng interes. Tsaka na lang pag tapos na ang lahat (para wag mausog). At dahil sa dami ng ginagawa at inaasikaso ko - naging prone ako sa STRESS.

Alam kong madami din sa inyo ang kagaya ko eh sobrang nai-stress na sa mga trabaho o buhay nyo. Kaya bago pa kayo gumawa ng negatib na hakbang, let me share with you guys my list of HOW TO's when it comes to dealing with stress. ^^,

• Ang popular na breathe in - breathe out. Ginagawa pag mabaho ang boss at tambak ng tambak ng gagawin pero di ka makaangal . Inhale - exhale. Wan more taym. Inhale - inhale-inhale. Ok next number. Aww, exhale pa pala. hehehe.
• Be optimistic. Wear a smile on your face. Isipin mo na lang Kaya mo kid! Kita mo at gagaan ang pasan mong daigdig este trabaho pala.
• Kumain every hour. (Paalala: Hindi applicable sa mga taong mabagal ang metabolism, dahil pag nagkataon, tataba kayo ng bongga.) Sabi nga nila, nakakawala ng depression at stress ang pagkain. Ako i lurveeeee eating. Ngunit sa kadahilanang hindi ko pa din maipaliwanag hanggang ngayon, hindi pa din ako tumataba kahit na anong effort ko sa paglafang ng bongga. Baka sa stress nga napunta ang lahat. (thinking)
• Tawagan ang iyong apol op da ay. Makipagkulitan. Ikwento mo dis and dat. Ikwento mo na naiiyak ka na sa inis dahil sa dami ng ginagawa mo at solo ka lang sa opisina nyo. Tabi tabi po, ang tamaan magkakabukol (peace out tertel) \m/
• Mag-sound trip. Optional ang isang to. Dahil mahigpit sa ibang opisina at walang kalayaan kahit man lang sa speaker.
  
• Magmulti task pero wag malito. Imbis na kinikimkim mo ang inis mo sa sarili mo, isigaw mo sa lahat ng pwede mong sigawan, gamitin mo ang internet upang gawin yan. Ilagay ang galit mo sa facebook, magopen ng thread sa Plurk, at gawing stat msg sa YM. Pag may pumatol o nagreak, swerte mo - may shock absorber ka. Pag wala naman, focus sa work ang drama mo.
• Magbasa ng balita. Sa entertainment column. Subukan sagutan ang Crossword puzzle at sudoku, pag nairita ka- senyales lang yun na kailangan mo na magtrabaho ulit.

Yan na muna sa ngayon. Kakain na muna ako at baka madaan sa kain ang lahat. ^^,

Tukmol III

"Hindi lungkot o takot ang mahirap sa pag-iisa kundi ang pagtanggap na sa bilyon-bilyong tao sa mundo, wala man lang nakipaglaban upang makasama ka."--Bob Ong