Lab lettur

Dear Pong,

How is you? Me is fine. And you? I'm fine thank you. Kagabi lang naisipan kong mag-request sayo ng alamuna. Pero mahina ata ang powers ko sayo kaya ayaw mong gumawa ng alamuna. Hahahah. Tseeeeeeeee...

Wag madumi ang mga utak nyo, lab letter lang yung nirerequest ko *eyeroll*

Malayo na din yung narating ng relationship natin. Sa loob ng pitong bwan. Marami nang awayan, tampuhan, basagan ng trip, mga date na hindi natuloy, mga pasyal na walang napala, pikunan pikon ka kase.hahahah, mga cake na isang linggo bago naubos, mga kwentuhang walang kwenta, mga tanung tanong na walang matinong sagot, mga chismisan, mga pustahan, mga patakas na tawag sa opisina, mga kulitan, walangyaan, mga pikchuran, mga dc-han, mga mantsarihan ^_^, mga trip trip, laftrip, fudtrip, sadtrip at marami pang ibaaaaaaaaaa....Nakakatuwa lang na kahit na ganito ako, ganyan ka pa din saken. Na walang nagbabago as the days go by...............fly by..............^_^ Na kahit na anong intriga ang umikot sa pagitan nating dalawa nung mga nakaraang araw, nanatili kang matatag at hinarap ang kontrobersiya ng walang kemedu at churvaloo. Nawa'y mas maging matatag pa ang ating bolahan sa mga darating na panahon, kahit na madalang yung mga panahon na magkasama tayo, Kahit na minsanan lang din tayo mag-usap ng seryoso.

Hanggang dito na lang muna, magpe-facebook pa ko...Nyahahahah..Me lab yu :)

Jen

Magmumuslim na ako

Mga kapwa Blogero,

Isang magandang araw sa inyo. Maraming salamat sa inyong walang sawang pagsuporta saken. Dahil sa inyong tulong, nakita ko na ang daan pabalik sa aming tahanan. Subalit kagaya ng isang tipikal na tao, ang mundo ko po ngayon ay hinahampas ng matinding alon ng pagsubok.

Isang taon na po ako dito sa UAE. Iba't ibang amoy, salita, pagkain, muka, kultura, ugali na ang aking nakabungguan ng siko. Alam ko din na mura ang ginto sa lugar na ito. Lalu pa't alam ko din na pag sasakay ng taxi pag mag-isa ka lang ay dapat laging sa likod ka sasakay upang.. ehemm...alamuna. Alam ko din na patagalan ng amoy ang labanan dito. Alam ko din po na mahirap ispell ang panahon dito, opo, kagaya sya ng syekoslobakya - nakakabobo. Kung kaya't dapat lang na kasabay ng pagiging competitive ng utak mo sa usaping karir, dapat ay competitive din ang kalusugan mo. Nakakainis kung minsan, pero kasama sa kontrata sa trabaho, kailangan mo din tanggapin na ganyan ang mararanasan mo rain or shine. Bawal din dito ang HHWWSSP. (Kung anong ibig sabihin nyan, ndi ko din po alam) =)), Sabi nga ni Bebe, wala daw kalayaan sa bansang ito. Hmm, meron naman - pero mailap iyon sa mga kagaya namin na dayuhan lamang sa bansang ito.

Matapos ang ilang araw na pagdedesisyon - naging buo na rin po ang loob at desisyon ko. Oo, Magpapaconvert na ko from Roman Catholic to Muslim. Mahirap po kase na iba't iba ang paniniwala. Nahihirapan na din po kase ako na iba ang dasal ko sa dasal ng aking amo. Nahihirapan na din po kase ako, dahil sa tagal ko dito - hindi pa ko nakakapasok sa loob ng isang mosque. Nahihirapan na po talaga ko. Ngunit, isang bagay ang talagang nagtulak sa akin upang gawin ang desisyon na ito.

Ito ay dahil...........








Simula na ng Ramadan bukas! Takte! Dahil Catholic ako, HINDI ako Ramadan timings sa trabaho ko ! Anak ng tipaklong talaga si boi baho!!!!!!

---------------------------------------
Sa mga nagtataka kung bakit: a) hindi nyo ko nararamdaman; b)walang tanim ang farm ko sa FARMTOWN ;c) hindi ako nagaapdeyt ng buhay ko sa plurk ;d)kung bakit hindi ko nasasagot ang comment nyo sa FS;e) kung bakit ndi nyo ko makachat sa umaga (UAE time) ---isa lang po ang sagot. WALANG KURYENTE SA LUGAR NG TRABAHO KO!.hehehe...bear with me. Asahan pa po natin na mapapadalas yan. Hehe at baka ipauso na ulit ang taypwrayter sa opisina ko. Hahahaha

Chorva

Dear Chorva,

Kamusta ka na? Kilala mo pa ba ang ate? Naaalala mo pa ba na sa akin nanggaling ang pangalan mo? Napakabilis nga naman ng panahon..kelan lang eh nagpapanic kame ng malaman namin na gusto mo nang lumabas galing sa black hole ni Mama. Naaalala ko pa--masayang masaya ko ng nalaman kong pareho tayong kaliwete. Naaalala ko pa kung paano mo ako gisingin sa pamamagitan ng paghalik mo sa aking pisngi. Haiii....namimiss na kita chorva. Ako ba eh miss mo na din jan?

Naaalala mo pa ba kung paano kita sigawan at konyatan pag kumakanta ka ng themesong ng Marimar? Sorry naman chorva- di ko lang kase matanggap na ang hunico hijo namin ay magtatayo lang ng parlor sa hinaharap.

Maraming salamat nga pala sa bonggang rendition mo ng "Hatatoteituyu" (happy birthday to you) nung birthday ko, yun yung pinakamagandang greeting na natanggap ko this year..Sobrang miss ka na talaga ng ate, sana pala isinama na kita dito (kung pwede lang sana) . Gusto na kitang makakwentuhan ng personal at muling yakapin at amuyin ang kili-kili mo (mabaho kasi kili-kili ng mga tao dito, nyahahah)..Kaya lang, kelangan munang mag-stay ng medyo matagal ni ate dito. Para makabili ka pa ng madaming laruang plato-platuhan, manika at kung anu-ano pang ka-chorvahan. Ibibili rin kita nung makintab na damit na kagaya kay Kuya Germs para mas maging epektib pag sinabi mong "walang tulugan!!!". Hanggang dito na lang bunso, sana pag marunong ka nang magbasa eh mabasa mo tong dramang sulat ko sayo....

Suportado ka sa iyong pagchorva,
Yate..(yan kase tawag nya sken..hehe)

Paunang Sulat

Naynay,

Nagbasa ko kahapon ng isang libro na pinahiram saken ng isa kong kapatid sa paniniwala dito sa lugar ng mababahong nilalang. Wala kasi kaming tv ngayon dahil hindi nabayaran ang bill dahil pinambili ng "slimming pills" ni Tita. Homework ko yun at kailangan kong matapos basahin hanggang byernes, pero dahil ako eh batung-bato kagabi (kahit na puyat na puyat na ko at antok) hindi pa din ako nakatulog ng maaga dahil maingay ang paligid kaya pinagpasyahan kong pagtuunan ng pansin ang librong yun.

Kasabay ng paglipat ko ng mga pahina ng aklat ay ang aking muling pagbalik sa ating mga alaala habang magkasama pa tayo, habang ako ay musmos pa lamang at wala pang nalalaman sa malupit na mundong ginagalawan natin ngayon. Habang ikaw lamang at si Taytay ang aking hinahangaan at tinitingala sa pagmamahal at pag-aaruga na inaalay nyo sa amin ng aking mga kapatid. Kung paano mo hinubog ang aking asal, kung paano mo ako pinatatag at pinalakas sa pamamagitan ng iyong mga salita at pangaral.

Naalala ko pa, sa maraming pagkakataon ay nagaaway tayo. Hindi ko nga lubos maisip na sa aking paglaki, magiging magkasundo tayo. Na sa bawat isang hibla lamang ng iyong mga pahayag, agad na nadudurog ang munti kong puso at sinisiwalat sa iyo ang maliliit na hinanakit na pilit kong itinatago sa inyo.

Nahihiya akong umamin ng nararamdaman kong paghanga at pagmamahal para sayo. Ang sabi nila, kung sino ako ngayon eh utang ko sa aking mga magulang. Sa twing may nagsasabi sken na "maswerte ang mga magulang mo, dahil isa kang mabait na bata", agad ko silang sinasagot ng: "mas maswerte po ako dahil sila ang naging mga magulang ko!"

Nalulungkot ako na kailangan nating mabuhay ng magkahiwalay. Na sa ym, tawag at text na lang kita nakakausap ngayon. Na hindi ko na nakikita ang mga ngiti mo sa twing bibiruin kita ng mga corny kong joke. Na hindi ko na natitikman ang luto mo. Na hindi ko na naririnig ang maingay mong sermon pag nagpapasaway ako sa araw araw. Na hindi ko na naririnig ang boses mong nag-aalala pag may sakit ako.

Hindi ko alam at hindi ko mahanapan ng paraan kung paano ko gagawin na makabuluhan at espesyal ang araw ng mga nanay na kagaya mo. Kaya sana, sa maliit na paraan na naisip ko eh mapadama ko sayo na mahal na mahal na mahal kita!..:)..Advance Happy Mother's Day sayo! :)

Laging handang mangulit sayo,
EǝʞsuǝJ