Cool off

Dito nagsimula ang lahat.....


Simpleng tampuhan. Nakalimutang kaarawan, nakalimutang "anniversary", "monthsary", at kung anu-ano pang bagay na pwedeng lagyan ng suffix na "sarry". Text message na hindi nireplyan, tawag na hindi sinagot at kung anu-ano pang (im)paktors para magdulot ng paghingi ng walang pakundangang salitang "space". Pag eto na ang hiningi sayo ng taong yun, maghanda-handa ka na...Dahil more or less, alam na ang kahihinatnan. Hindi naman sa nilalahat ko, pero, mas madalas mangyari na "yun" ang kahahantungan nun. Ang salitang ayokong naririnig kahit kelan. GOODBYE.

Umiyak ka man ng isang balde, drum, bote, pinggan, platito, baso at kung anu-ano pang pwedeng paglagyan ng luha mo, hindi mo na mapipigil ang tao pag gusto ka na niya talagang iwanan. Masakit isipin, na oo, hindi pala kayo para sa isa't isa. Na mawawala na yung taong gigising sayo sa umaga para lang bumati ng "good morning", ang tatawag upang magtanong kung "kumain ka naba?", o kung "nakauwi ka na ba"?. Yung taong mag-aalala pag nagkasakit ka, o yung susundo sayo sa lugar kung saan ka nagtatrabaho?

Closing Remarks

At syempre, ayaw mo man o gusto, dadating ang panahon ng paghuhukom. Dadating ang araw na hindi mo pinangarap na mangyari ni minsan sa buhay mo. May mga luhang pilit pipigilin, salitang itatago at kung anu-anu pang kemedu, na bukas makalawa eh kasama na sa listahan mo ng "sana ginawa ko to dati...", "edi sana...". Pero, hindi naman kasi natin hawak ang buhay natin. HIndi natin alam kung sya na nga ba, o meron pang mas hihigit sa kanya na makikilala natin sa hinaharap. Pwedeng mas gwapo, mas may utak ng konti, mas marunong pumorma, mas mabait, mas maaalalahanin, mas loyal, mas matapat at kung anu-ano pang MAS. Hindi na kailangan na isumpa mo pa sya ng ilang milyong beses dahil hindi ka na niya mahal. Ang mahalaga ay ang matanggap mo na minsan sa buhay mo, natuto kang magmahal ng insekto, at ang insekto na yun ay nakakita ng kapwa niya insekto. Ganun lang kasimple. (ang sama ko ata ng konti.ahehehe).

Paglilinaw

Kung mahal natin talaga yung taong yun, matututo tayo na palayain sila, ng walang "bitterness" o kahit na anong negatibong bagay against them. Kasi, kung magbabaliktanaw tayo, naging masaya ka rin naman sa piling niya diba? Gaya nga ng sabi nila, Hindi natin hawak yung buhay natin, pabago-bago yan, pwedeng bukas makalawa, mahal ka niya, pero mamaya, may iba na palang mahal. Kaya ang mabuti:

"mahalin mo muna ang sarili mo, bago ka magmahal ng ibang tao." Dahil kung paano mo mamahalin ang sarili mo, yun din ang pamamaraan na gagawin mo sa taong mamahalin mo.