Gusto ko nang umamin

Ilagay mo jan I love you and I miss you.

Yan yung eksaktong linya na sinabi niya sken nung friday na magkakasama kaming tumambay at nagpudtrip. Isang gulat na gulat na "Ha?" ang pinakawalan kong salita, sabay tingin sa kanyang nangungusap na mga mata. Ngumiti lang sya at nagtanong : "Para kanino ba yan?". Kung sumagot ako, hindi ko na maalala dahil ang alam ko, natigilan ako matapos kong marinig ang mga salitang yun. Kahit na mainit sa loob ng bahay ay nakaramdam ako ng kung anong lamig sa aking mga kamay. Magkatabi kami nun sa upuan. Maya-maya pa, binuksan niya ang laptop at nagpatugtog ng kanta. Nang marinig ko ang kantang napili niya, hindi ko na makayanan ang kabang nararamdaman. Agad akong tumalikod sa kanya at humarap kay Biiba. Sabay ngiti naman ni Biiba ng makahulugan niyang mga ngiti. Nakakainis, alam ko dapat tahimik lang ako sa lahat ng pagkakataon tungkol sa nararamdaman ko para sa kanya. Pero, simula ang araw na yun, parang naiisip ko na din kung may nakatagong ibig sabihin ang mga katagang yun (corny at feelinggera ako!).

Aminado ko, mahal ko na tong taong to simula pa lang nung makilala ko sya sa kinabibilangang kulto. Mabait, talentado, makulit, responsable, masayahin. Ganyan ko i-describe si F. Subalit madaming bulung-bulungan ang umiikot sa aming paligid na may napupusuan ng iba itong si F. Kaya ako, simula ng marinig ko ang balitang yun, agad na kong nanahimik at nagpanggap na walang nararamdaman para sa kanya. Lumipas ang mga araw at buwan. Pilit akong umiiwas subalit pakiramdam ko sinulat na ang buhay ko ng karugtong sa kanya, bilang magkapatid sa kulto. Sa katagalan ng panahon,(mga 4 months), naging epektibo at mabisa ang pag-iwas ko at medyo naging at ease na ko sa kanya, not until last friday.

Pilit kong kinakalimutan yung nararamdaman ko para sa kanya. Pero, hindi ko alam minsan kung anong dapat kong gawin. Minsan kasi, nakakainis pag sobrang bait at lambing ng isang tao, napakabilis mahalin..:(

Hindi lahat ng taong mabait at sweet may gusto sa'yo. Sadyang may mga tao lang talaga na mahilig magpaasa.